Abstract

Mae’r astudiaeth hon yn archwilio’r fframweithiau polisi, y gofynion datblygiad proffesiynol, a strwythurau sefydliadol sy’n angenrheidiol ar gyfer integreiddio deallusrwydd artiffisial (AI) yn effeithiol o fewn addysg yng Nghymru. Trwy ddadansoddi data arolwg gan bump ar hugain o addysgwyr o Gymru, mae’r ymchwil yn ymchwilio i gymorth sefydliadol, rhwystrau sy’n effeithio ar fabwysiadu AI, a phatrymau defnyddio offer AI mewn lleoliadau addysgol. Gan ddefnyddio’r Model Derbyn Technoleg (TAM) a’r Ddamcaniaeth Gweithgarwch Diwylliannol-Hanesyddol (CHAT) fel fframweithiau damcaniaethol, mae canfyddiadau’n datgelu bylchau sylweddol rhwng strwythurau cymorth cyfredol ac anghenion addysgwyr, gyda chyfranogwyr yn crybwyll cyfleoedd datblygu proffesiynol annigonol ac yn nodi diffyg canllawiau sefydliadol clir. Mae’r astudiaeth yn nodi tri dull allweddol o weithredu AI: dulliau strwythuredig cyfyngol, ad hoc a datblygol. Yn ogystal, mae’r canfyddiadau’n tynnu sylw at yr heriau o gynnal uniondeb asesu ac anghenion unigryw cyd-destunau Anghenion Dysgu Ychwanegol (ADY). Mae’r ymchwil yn awgrymu bod integreiddio AI llwyddiannus yn gofyn am ddatblygu polisi systematig sy’n cyd-fynd â blaenoriaethau a gwerthoedd addysgol Cymru, datblygiad proffesiynol parhaus, a dyraniad teg o adnoddau. Mae gan y canfyddiadau hyn oblygiadau pwysig i arweinwyr addysgol a llunwyr polisïau wrth iddynt weithio i gefnogi nodau cymhwysedd digidol y Cwricwlwm i Gymru. Mae’r astudiaeth hefyd yn darparu argymhellion ar gyfer ymchwil ac ymarfer yn y dyfodol, gan bwysleisio’r angen am systemau AI ymatebol yn ddiwylliannol, fframweithiau asesu arloesol, a dyrannu adnoddau strategol i bontio anghydraddoldebau presennol.

Keywords: deallusrwydd artiffisial (AI), addysg cymru, datblygiad proffesiynol, polisi addysgol, technoleg

How to Cite:

Atherton, S., Karlinger, P. & Castle, C., (2026) “Polisi a Datblygiad Proffesiynol ar gyfer Deallusrwydd Artiffisial Cynhyrchiol mewn Addysg yng Nghymru”, Wales Journal of Education 28(1). doi: https://doi.org/10.16922/wje.28.1.3cym