Abstract

Nod yr astudiaeth hon oedd nodi themâu a phryderon i lywio ymarfer a dylanwadu ar newid cadarnhaol mewn presenoldeb mewn ysgolion, yn enwedig ar gyfer pobl ifanc ag Anghenion Dysgu Ychwanegol (ADY). Adeg ysgrifennu’r papur hwn, nid yw presenoldeb mewn ysgolion ar ôl y pandemig yng Nghymru wedi dychwelyd i lefelau cyn y pandemig, gyda phresenoldeb phobl ifanc ag ADY yn waeth o’i gymharu â’u cyfoedion. Mae cyfraddau absenoldeb ar gyfer myfyrwyr ag anghenion dysgu ychwanegol a’r rhai o dan Gweithredu gan yr Ysgol a Mwy (SA+) yn sylweddol uwch na’r cyfartaledd Cymru gyfan. Defnyddiwyd holiadur i gasglu data gan rieni/gofalwyr (n=149) ar draws amrywiol awdurdodau lleol yng Nghymru. Dadansoddwyd y data gan ddefnyddio methodoleg ddehongli a dadansoddiad thematig. Nododd yr ymchwil themâu clir o adborth rhieni/gofalwyr ar sut i wella presenoldeb ysgol plant ag ADY. Tynnodd sylw at bwysigrwydd safbwyntiau rhieni wrth fynd i’r afael â phroblemau presenoldeb a rhoddodd fewnwelediadau i helpu awdurdodau lleol a Llywodraeth Cymru i weithredu newidiadau i wella ymgysylltiad a phresenoldeb.

Keywords: presenoldeb, ADY, safbwyntiau rhieni, ymgysylltu â dysgu i blant ag ADY

How to Cite:

Thomas, H., (2025) “Archwiliad o’r Cysylltiad Posibl rhwng Presenoldeb a Chynhwysiant mewn Addysg a’r Effaith ar Blant a Phobl Ifanc ag ADY yng Nghymru: Safbwynt Rhieni”, Ffocws ar Ymarfer (Cylchgrawn Addysg Cymru), doi: https://doi.org/10.16922/ffocws13