Archwilio Arferion Grwpio Dysgwyr mewn Ystafelloedd Dosbarth yng Nghymru
Authors:
Charlotte Wanda Greenway
(University of Wales Trinity Saint David)
,
Carmel Conn
(University of South Wales)
,
Cathryn Knight
(University of Bristol)
,
David Vittle Thomas
(Swansea University)
,
Lisa Formby
(Wrexham Glyndwr University)
Abstract
Nid oes llawer o waith ymchwil wedi cael ei wneud ynghylch arferion grwpio dysgwyr mewn ystafelloedd dosbarth yng nghyd-destun Cymru. Nod y gwaith ymchwil archwiliadol hwn yw darparu gwybodaeth am arferion grwpio ar gyfer dysgwyr ag anghenion dysgu ychwanegol (ADY) a phenderfyniadau addysgwyr parthed y dysgwyr hyn. Yn ogystal, ceisiodd yr astudiaeth ddod o hyd i wybodaeth am newidiadau i arferion grwpio yn ystod pandemig COVID-19, a blaenoriaethau ar gyfer y dyfodol. Casglwyd data trwy ddefnyddio arolwg ar-lein o Gydlynwyr Anghenion Dysgu Ychwanegol (CADY) mewn ysgolion cynradd ac uwchradd (n=102) yng Nghymru. Datgelodd y canfyddiadau mai grwpiau gallu cymysg oedd yr arfer grwpio mwyaf cyffredin ar gyfer pynciau cyffredinol mewn ysgolion cynradd ac uwchradd. Yn debyg i’r ffigurau sydd i’w gweld mewn rhannau eraill o’r DU, roedd yr arferion grwpio dysgwyr ar gyfer y pynciau craidd yn y ddau gyfnod oedran yn seiliedig ar gyrhaeddiad. Dewiswyd ystod eang o arferion grwpio, a oedd yn cynnig cymorth ar gyfer dysgu academaidd, gyda llai o bwyslais ar ddewis dysgwyr neu grwpiau yn seiliedig ar sgiliau cymdeithasol. Roedd hyn yn wir am ddysgwyr ag ADY a dysgwyr heb ADY, ac mae’r ffigurau hefyd yn dangos cynnydd mewn arferion grwpio ar sail cyrhaeddiad ar gyfer plant iau. Cododd CADY bryderon am safon y ddarpariaeth ADY yn ystod y pandemig a’r angen i symud tuag at fwy o ymyriadau sy’n canolbwyntio ar blant ac ar sgiliau cymdeithasol. Trafodir goblygiadau’r astudiaeth ac argymhellion ar gyfer y dyfodol.
Keywords: grwpiau cyrhaeddiad, anghenion dysgu ychwanegol (ADY), cydlynydd anghenion dysgu ychwanegol (CADY)
How to Cite:
Greenway, C. W., Conn, C., Knight, C., Thomas, D. V. & Formby, L., (2025) “Archwilio Arferion Grwpio Dysgwyr mewn Ystafelloedd Dosbarth yng Nghymru”, Wales Journal of Education 27(1). doi: https://doi.org/10.16922/wje.27.1.4cym
Downloads:
Download PDF
View PDF